Во сабота 01 декември во
клубот Капан Ан имаме несекојдневен настан на кој што покрај резидент DJите од
Капан Ан: HyperTech, Ogie, Darko Stepic и Andreas Hz + Ines E. visuals, ќе
гостува мултиталентираниот уметник, еден од најпроминентните
dubstep/drum`n`bass артисти од регионов, Balkansky кој што доаѓа од Софија,
Бугарија.
Ова ќе биде прв настап во
Македонија на Balkansky кој што освен под Balkansky работи под повеќе
псевдоними, Cooh, Drum Kid, а под неговото вистинско име Иван Шопов ја гради
својата кариера на дипломиран ликовен уметник со изложби во Бугарија и низ Европа. Под неговите псевдоними бележи изданија за реномирани дискографски куќи како Ohm Resistance, Z Audio, Wicky Lindows, Dubsaw, Ad Noiseam, Dub Monkey, Kuker,
Hollow Point, Subtrakt, Scum и мн други. Во неговите сетови можете да чуете
многу ethno, jazz, dubstep, drum’n’bass, IDM, electronica. Познат е по
аудио/визуелниот проект етно jazz dubstep проект "Бalkansky" каде што
соработува и настапува со легендата Теодосиј Спасов и Иво Христов. Редовно
настапува на фестивали и клубови во Австралија, Мексико, Колумбија, Нов Зеланд
и постојано низ Европа.
Настанот е по иницијатива на
организацијата "Скопје Вавилон", во соработка со Биткраш, D2 и MЈМ.
Почетокот е на полноќ, а
влезот чини 150 денари.
No comments:
Post a Comment