Има ли???

Почнав еден друг текст се распишував да се објаснувам што е за мене умерен национализам, ама ми текна дека веќе кажав, во Вие како сакате...

Па ми текна една друга ствар и се испреплашив ко мајмун у Јуни пред дрво со цитрони и викам, абе ние ќе наебеме бре. Замисли ти, ај остај ова некоректни со #тераса што сме, него девојкиве коа играат ракомет, коа ќе победат се гушкаат и почнуваат да пејат песна. И тоа не е обична песна...

Се започнува така наивно со стиховите:

Македонско девојче китка шарена во градина набрана дар подарена,

И ти си помислуваш браво бе што убаво си пејат девочињава, за подоцна низ едно суптилно поставено реторичко прашање да се откријат вистинските амбиции на злобните македонци, во случајов македонки. Реториката оди вака:

Дали има на овој бели свет, поубаво девојче од македонче?

И сега ти не слутејќи ги се уште вистинските амбиции на оваа глутница од гушнати девојки што пејат си се подразмислуваш мајку му, има ли? И некој се наоѓа секогаш да ја потенцира реториката и ќе извика:

ИМА ЛИ???

За сето тоа изненадно да кулуминира во јасен расистички, националистички, злобен заклучок:

Нема, нема не ќе се роди, поубаво девојче од македонче...

При што веќе мене искрено ви кажувам ме фаќа страв за некоја лепотица мис Пријепоље да не се најде увредена со нашите национал фашистички изливи на вулгаризам дека едноставно не е толку убава ко македонското девојче. Да не зборам кои фрки може да ги имаме ако не слушне Афродита, е тек тогаш изгубивме на секој ебан меѓународен суд. Кај си имаме мака со Грците, по миљон основи, па уште и вакви провокации им правиме. Идиотизам, они имаат пичка што е најјака риба со милениуми и им улетуеме ние тука ќе им кажуеме слушај не е така.

Веќе не гледам на суд и со Ким Кардашијан и онаа проблематичната како се викаше, Парис Хилтон. Да не почнувам Берлускони колку ќе се изнервира ако не чуе, па кај е Венера негова.

Значи да ве замолам како што ќе се преговара за #тераса на едно да го решиме и овој проблем да не дојде утре некој да каже нешто. Ќе си направиме политички коректни навијачки песни и има да навиваме како Европејци бре, не ова нашево, на ништо не личи. Така да чекам предлози како да се промени некако текстот и побрзо да ја испратиме и оваа верзија за што поитна корекција.